Царква Нараджэння Божай Маці | Васільчыцы

Больш фотаздымкаў (5) >>

Царква — помнік народнага дойлідства - пабудавана ў 2-й палове 19 ст. з дрэва ў цэнтры вескі. З 1990-х гадоў зноў дзейнічае. Будынак трохзрубны. Складаецца з размешчаных па падоўжнай восі бабінца, асноўнага і алтарнага аб'ёмаў. Зальная і больш вузкая алтарная часткі накрыты агульным дахам з застрэшкамі над месцам злучэння зрубаў. Званіца пад бабінцам - васьмігранны светлавы барабан, накрыты высокім шатром з невялікай галоўкай. Такая ж галоўка над цэнтральнай часткай асноўнага аб'ёму. Сцены гарызантальна ашаляваны, умацаваны вертыкальнымі сцяжкамі і прарэзаны прамавугольнымі аконнымі праёмамі. У інтэр'еры над уваходам хоры на 4 слупах. Столь плоская, падшыўная.

Крыніца:
А.А. Міцянін
Збор помнікаў гісторыі і культуры Беларусі. Мінская вобласць
Мінск, Беларуская Энцыклапедыя, 1986