Выбраныя здымкі
Брама на хрысціянскіх могілках у Селішчы Фота © radziwill.by |
Надмагільная пліта Эмілі зь Вярэнькаў, мо сваячкі вядомага архэоляга Францішка Вярэнькі Фота © Міхась Баўтовіч |
Надмагільная пліта Аляксандра Рудаміны Фота © Міхась Баўтовіч |
Вясковыя могілкі знаходзяцца на паўднёва-заходнім баку мястэчка ля самае дарогі, што вядзе на Дарашковічы. Суседзтва з крывіцкім курганным могільнікам можа сьведчыць пра даўнасьць выкарыстаньня жыхарамі Селішча гэтага месца дзеля пахаваньня блізкіх. З старых захаваных каменных помнікаў большасьць адносіцца да канца ХІХ ст., хаця каменны крыж ля ўваходнае брамы без сумневу ёсьць значна старэйшым.
Раней могілкі знаходзіліся на большай адлегласьці ад мястэчка. Аднак за савецкім часам новыя пахаваньні шырыліся ў бок Селішча, і сёньня амаль мяжуюць з апошнімі хатамі. У гэтай новай частцы могілак у 1967 годзе ўсталяваны помнік партызанам 1-й антыфашыскай брыгады Мікалаю Ізотаву, Алегу Сташкевічу, Саліму Зарынаву, што загінулі ў студзені-красавіку 1944 г.
Міхась Баўтовіч